2022 жылдың 30 қараша күні «№5 орта мектеп » КММ директорлардың тәрбие жұмысы жөніндегі орынбасарларына арналған «№ 5 мектептегі тәрбие кеңістігі-тұлғаның құзіреттілігін қалыптастырудағы негізгі факторы » тақырыбында қалалық семинар өткізілді.
Семинар барысында жалпы адами құндылық пен оқушының құзіреттілігін қалыптастыруға бағытталған іс-шаралар ұйымдастырылды. 2022-2023 оқу жылындағы тәрбие жұмысы тұлғаны тәрбиелеу- негізгі ойы үйлесімді дамыған тұлғаның ұлттық бейнесін қалыптастыру болып табылатын Концепциясының негізінде жүзеге асырылады.
Мектебімізде оқушыларға рухани-адамгершілік және негізгі ұлттық құндылықтарды жеткізу арқылы үйлесімді тұлғаны қалыптастыруға, оның құндылық-мағыналық саласын дамытуға бағытталған мұғалімдер мен оқушылардың өзара әрекеттесуінің мақсатты үрдісі Абайдың «Толық Адам» рухани мұрасында бейнеленген.
Семинарға қатысушылар семинарды ұйымдастырудың жоғары деңгейін, алынған ақпараттың өзектілігі мен құндылығын, ашық іс-шаралардың практикалық бағыттылығын, өз тәжірибесін әріптестердің тәжірибесімен салыстыру мүмкіндігін, сондай-ақ әдістемелік қазынаны толықтыруды атап өтті.
