Қысқы демалыс кезінде 5 қаңтар күні 8-11 сынып оқушылары арасында волейболдан жарыс өтті. Іс-шараның мақсаты -көпшілікке танымал спорт түрлерінің бірі волейболды дамыту және оқушыларды жүйелі дене шынықтырумен және спортпен шұғылдануға баулыту. Сайысқа 8,9,10-11 сынып командалары қатысты. Қатысушылар айналмалы жүйе бойынша ойнады.
Балалардың волейболға деген байыпты көзқарасы бірінші ойында-ақ байқалды. Әрқайсысы әртүрлі тәсілдермен доптың өз алаңына түсуіне жол бермеді.Қатысушылардың негізгі міндеті- допты қабылдау кезінде қателеспеу және қарсылас қай жерде доп түсетінін болжай алмайтындай етіп
ойнау. Дәл осы тактика 9-сынып командасының 1 орынды жеңіп алуына көмектесті. Турнирдің екінші орнында 8 және 10-11 сынып командалары орналасты.
