2023 жылдың 16 сәуірінде Петропавл қаласының Жастар сарайында «ЖҰЛДЫЗ ART KAZAKHSTAN» халықаралық шығармашылық байқауы өтті. Бұл шараға 25 жас қатысушы (би топтары және жеке нөмірлер) қатысты. Мектебіміздің 2-сынып оқушысы Дарья Клюка «Жұлдызды тамшы» мектеп таланттары фестивалінде орындаған «Қуыршақ» биін қазылар алқасына ұсынды. Халықаралық байқауда Дарья 1-орынға ие болып, Ташкент қаласында еркін қатысуға жолдама алды. Дашаны құттықтаймыз және жаңа шығармашылық жеңістер тілейміз!
