14 қарашада облыстық кітапхана Солтүстік Қазақстан облысы ІІД Есірткі қылмысына қарсы күрес басқармасымен бірлесе « № 5 орта мектебі» КММ 8-9 сынып оқушылары арасында «Ертеңгі күніңді жоғалтып алма» атты іс-шара өткізді. Бүгінгі таңда нашақорлықпен және нашақорлық бизнесімен күрес біздің мемлекетіміздің ғана емес, әлемнің барлық өркениетті елдерінің өзекті мәселесі болып отыр. Солтүстік Қазақстан облысы ІІД Есірткі қылмысына қарсы күрес басқармасының жедел уәкілі Зарина Попова оқушылармен профилактикалық әңгіме жүргізді, Статистикамен таныстырып, есірткінің зияны мен түрлері туралы айтып, өз тәжірибесінен мысалдар келтіріп, балаларға осы тақырып бойынша бейнероликтер көрсетті.
